FORORD
Denne driftsplana er finansiert gjennom fylkesvise
bygdeutviklingsmidlar i Møre og Romsdal, samt midlar
og eigeninnsats frå driftsplanstyret i vald 16, Hjørungavåg i Hareid kommune.
Valdet er med denne plana inne i sin andre driftsplanperiode.
Første driftsplan var gyldig frå 1997 – 2000, med forlenging til 2001. Denne
plana skal vare i ein femårsperiode frå 2002 – 2006. Valdet består av fem
jaktfelt, som tidlegare var eige vald.
Arbeidet med plana har føregått ved at driftsplanstyret har
hatt jamlege møte saman med underteikna, samt registreringar i marka av
forfattaren. Skrivinga har vorte utført ved Søre Sunnmøre Landbrukskontor, der
underteikna har sitt daglege virke som skogbrukssjef.
Plana er utarbeidd med bakgrunn i veileder
utgitt av Norges Bondelag og Norges
Skogeierforbund i 2000.
Eg vil med dette takke alle medlemmane i driftsplanstyret
for vald 16 Hjørungavåg, samt andre involverte, for samarbeidet ved
utarbeidinga av plana.
Dragsund 01.02.02
Roar Leirset
INNHALD
2.1 Hjortestammens utbreding og
trekkforhold
2.9 Potensiale for næringsutvikling
3.3 Fallvilt / Skadedyrfelling
Retningsliner for organisering av
jaktlag i vald 16
Retningsliner for jeger som deltek i
jaktlag i vald nr. 16 Hjørungavåg
Jegerkontrakt i vald nr. 16
Hjørungavåg
1. INNLEIING
1.1 Planområdets avgrensing
Driftsplana omfattar områda som
vert disponert av jaktfelta Liaset, Øvrelid, Hjørungdal/Haugen, Engeskaret/Åsen og Hjørungnes/Korshamn
i Hareid kommune.
Teljande areal for valdet går opp
tom. 500 m.o.h. Innmark er medrekna, men busett areal
er trekt ut. Teljande areal er samla på 8480 daa.
Planområdet omfattar same areal
som fekk utarbeid driftsplan i 1997, men med tillegg av jaktfeltet Hjørungnes/Korshamn.
Førre driftsplan var gyldig i
perioden 1997 – 2000, men fekk forlenga gyldigheit også for jaktsesongen 2001,
godkjent av vilt og innlandsfiskenemnda i Hareid kommune i sak 14/2001 av
28.05.01.
Denne driftsplana for vald 16
Hjørungavåg skal gjelde for perioden 2002 tom. 2006.
Ved misleghald kan driftsplana
seiast opp. Dette må skje innan 1.april før ny jaktsesong.
Dersom vilt- og
innlandsfiskenemnda seier opp driftsplana og jaktrettshavarane ikkje er einige
i grunngjevinga, kan oppseiinga ankast til Fylkesmannen innan 3 veker i
hendhald til lov om forvaltning av 10. februar 1967 kap. VI § 29.
1.2 Målsetjing
1.2.1 Hovudmål
Driftsplanas formål er ønsket om å
delta i ei positiv forvaltning av hjortestamma, der målsetjinga er å kome fram
til ein optimal, sunn og stabil bestand, med god alders- og kjønnsfordeling, og
med ein storleik som ikkje medfører uakseptable skadar på skog- og
jordbruksareal.
Dette skal oppnåas ved god
planlegging, ei til kvar tid god og rett avskyting, og godt samarbeid mellom
grunneigarar, jaktarar, vilt- og innlandsfiskenemnda og andre involverte
partar.
1.2.2 Delmål
Ein vil søkje å utnytte
produksjonskapasiteten i området på ein god måte, og gjennom valdet få best
mogleg arealutnytting med omsyn til fellingsløyvar.
Ein vil prøva å nå ein
bestandsstorleik som står i forhold til leveområdets bæreevne, halde skade på
skog og innmark på eit akseptabelt nivå, og oppnå ei optimal avkastning med
sunne, friske dyr, og med god kjønns- og aldersfordeling.
Ein vil ved før nemnde delmål
prøve å stanse nedgangen i slaktevekt på dyra, og på sikt, auke denne.
Ein skal sørgja for ei human jakt
og ein høg fellingsprosent.
Valdet skal fordela fellingsløyva
i forhold til dei ulike jaktfelta sitt areal samt felta sin kvalitet og verdi
for hjortestamma.
Valdet skal, mellom anna gjennom
informasjonstiltak, søke å samle heile bygda i felles haldning med omsyn til
avskyting og sikring av ei heilskapleg forvaltning av den lokale stamma. Eit av
verkemidla vil her vere påverking opp mot vilt- og innlandsfiskenemnda.
2. STATUS OG
VURDERINGAR
2.1 Hjortestammens utbreding og trekkforhold
Hjortebestanden i Hareid kommune
har vakse jamt gjennom fleire år, og har i visse deler av kommunen vakse seg større
enn kva som kan reknast som biologisk forsvarleg.
Ein har gjennom auka avskyting
over fleire år, prøvd å stanse auka i stamma, men den har vore aukande også
gjennom siste driftsplanperiode. Teljingar har vist ein vekst, og visse område
i kommunen har hatt større auke enn andre. Dette har vore synleg på kondisjonen
til dyra på ettervinteren og våren. Det er også påvist overbelastning av
vinterbeita og store beiteskadar på innmark og skog.
Dette er i høgste grad gjeldande
for vald 16 Hjørungavåg, antageleg i større grad enn
for noko anna vald i kommunen.
Innafor valdet har vi den største
tettleiken på stamma på delar av felta
Øvrelid, Hjørungdal/Haugen og Liaset. Minst tettleik har vi på Korshamn/Hjørungnes. Dette kan enklast forklarast med gode og lite
uroa innmarksbeiter, samt kort veg til godt skjul i kulturskog på dei først
nemnde jaktfelta.
Størst trekk på dyra har vi langs
heile Melshornet, i området mellom høgdekvote 150 –
250, til Røyset og tilbake til Hareidsberget, samt Liaset – Myrane fram i Engeskaret og opp mot Ulset.
2.2 Vårteljing
Kvar vår vert det utført teljing
på innmark, i regi av viltnemnda. Dette er ein god indikator på hjortestammens
utvikling, i alle fall i samband med beitetrykket som kan forventes for den
einskilde våren/sommaren.
Fig. 2.2.1 Høgste antal talte dyr ved teljing på vald 16, i april/ mai (1995
– 2002)
I teljingane for 1995 og 1996, er
ikkje Haugen, Engeskaret/Åsen og Korshamn/Hjørungnes
med i teljingane.
I teljingane for 1997,1998,1999 og
2000 er ikkje Korshamn/Hjørungnes teke med.
Sistnemnde felt gir likevel lite
utslag på teljingane, då dette er det feltet som har minst tett stamme.
2.3 Trafikkdrepe dyr
Det har i dei siste åra vore få og
ingen trafikkdrepne dyr i området.
Ufullstendig statistikk og uklare
rapporteringsrutinar umogleg gjer å bruka tala statistisk.
Det er likevel ingenting som
tilseier at hjortestamma er noko problem innafor valdets grenser, opp mot
trafikkskadar. Dette kjem nok i første rekkje av at valdet ikkje har høgtraffikerte vegar innafor sitt område, samt at det i
store delar av valdet allereie er nedsett fart grunna busetnadstettleik.
2.4 Beitegrunnlag
Beitegrunnlaget er veldig viktig
for å kunne berekne kor stor hjortestamme ein kan ha i eit område. Men sjølv om
beitegrunnlaget er godt, vil det gå ei grense for kor stort beitetrykk som kan
tolererast, og dette er ofte avhengig av i kor stor grad menneskja indirekte
skal livnæra seg av same beiteareal.
På Hjørungavåg er det i stor grad
den store delen beite og eng som ligg uforstyrra eit stykke vekk frå
bustadområda, som gir stort beiteskader på grasseng. Arealet er fordelt som
følgjar (omtrentlege tal) :
Dyrka areal Barskog Lauvskog Anna utmark
1500 daa 560 daa 900 daa 5520 daa
(17,7 %) (6,6 %) (10,6
%) (65,1 %)
Det meste av dyrkamarka i området
ligg i li - sidene og ned mot dalbotn. Høgre opp i desse li - sidene kjem først
ei sone med barskog, med bjørkeskog på oppsida, før ein kjem opp i lyngmark -
vegetasjon og snaufjell.
Dette gjeld spesielt dei mest
verdifulle beiteareala, og her har ein såleis kort veg mellom beiteareala og
skjul for hjorten.
2.5 Beiteskader
Når det gjeld beiteskadar på
innmark, er dette eit stadig aukande problem. Fram til 2000 har det vore mogleg
å søka erstatning for beiteskadar på innmark, frå Miljøverndepartementet. Frå
2001 fall denne moglegheita bort, og skadeerstatning skal i hovudsak ikkje
ytast, men prøvast løyst ved førebyggjande tiltak, finansiert gjennom dei
kommunale viltfonda.
Det er grunn til å tru at det ligg
inne ein del ”feil” i talmaterialet for registrerte beiteskadar, ved at ein god
del av brukarane ikkje har søkt erstatning, og derfor ikkje har fått områda
takserte. Ein legg likevel til grunn at dette arealet er nokolunde likt for
kvart år.
Fig. 2.4.1 Taksert areal med
beiteskadar på vald 16 i perioden 1998 - 2000
I kroner utgjer dette ei auke frå
ca kr 55000,- (1998) til om lag kr 100 000,- (2000).
Dette er nærmare ei dobling av
skadar på innmark i treårsperioden 1998 – 2000.
På skogen er det meir variasjon i
skadebiletet. Takst utført for planarbeidet sumaren 2001 visar at ein har lite
og ingen nemneverdige skadar på Korshamn/Hjørungnes,
Engeskaret/Åsen og Hjørungdal/Haugen. På Øvrelid er
skadane noko større, men ikkje så store at skogbestanda må anbefalast uthogd.
Dei verkeleg store skadane finn
man på Liaset, og mest all kulturskog av gran på 4
eigedomar må avverkast grunna gnagskadar. Dette er skog med ein alder på 30 –
40 år.
2.6 Felte dyr
Valdet har bestått av 4 jaktfelt i
førre planperiode (1997 – 2000), og fellingsstatistikken frå denne perioden
omfattar berre desse valda. Frå 2001 er Korshamn/Hjørungnes
også teken inn i talmaterialet.
|
ÅR |
TILDELT |
FELT |
SUM TILDELT |
SUM FELT |
||||
|
|
Kalv |
Frie |
Bukk |
Kalv |
Kolle |
Bukk |
|
|
|
1996 |
5 |
10 |
8 |
4 |
11 |
6 |
23 |
21 |
|
1997 |
7 |
17 |
6 |
9 |
15 |
6 |
30 |
30 |
|
1998 |
- |
37 |
- |
10 |
19 |
7 |
37 |
36 |
|
1999 |
11 |
15 |
11 |
12 |
18 |
6 |
37 |
36 |
|
2000 |
11 |
17 |
10 |
11 |
19 |
8 |
38 |
38 |
|
2001 |
14 |
24 |
10 |
14 |
24 |
10 |
48 |
48 |
|
2002 |
14 |
24 |
10 |
14 |
24 |
10 |
48 |
48 |
Tab. 2.5.1 Tildeling og felling på vald 16 i perioden 1996 –
2002
Som ein kan sjå av tabell 2.5.1
har det i heile perioden vore særs høg fellingsprosent på valdet. Ein må og
nemna at i 2000 var jakta ferdig 25. oktober, mens kvota i 2001 var fylt
allereie 21. oktober og 2002 20 oktober
Fig. 2.5.1 Felling på vald 16 i
perioden 1996 - 2001
I 2000 blei 10 av desse dyra felt
som skadedyr, i august. I 2001 blei det og felt 10 dyr av kvota i august samt at
det vart felt 2 dyr til viltfondet som ikkje er teken med i statistikken. I
2002 var alle 48 felt i ordinær jakttid.
2.7 Kjøttverdi
Kjøttverdi er ein parameter som
kan variera, alt etter kva marknaden er villig til å betale for eit gitt
kvantum kjøtt. For offentleg sal vil sannsynlegvis prisen ligge på kring kr
30,-/kg + mva. (gamle klasse 1 storfe). Dette vil være eit omtrentlig grunnlag
for berekninga. Når det gjeld omsetning av viltkjøtt er det likevel på det
reine at ein god del vert omsett privat, og då ofte til ein noko høgare pris
(ofte opp mot det doble).
I året 2001 vart det felt 48 dyr
på valdet, med ei samla slaktevekt på 2237 kg. Med ein kjøttpris på kr 30,-/kg
vil dette gi ein kjøttverdi på totalt kr 67110,- + mva på kr 16106,-.
Dette gir for 2001 ein reell
kjøttverdi på meir enn kr 83000,-.
På den private marknaden vil denne
kjøttverdien sannsynlegvis være på over kr 120 000,-.
I snitt vil verdien pr eigar ligge
på noko over kr 3000,-, eller ca kr 14, 15 / daa.
2.8 Kjøttdeling
Kjøttdeling praktiserast på ulike
vis rundt om i valda i kommunen. I jaktfelta på vald 16 er det vanleg at
skyttar får eit lår av kvart dyr han skyt. Resten av dyret vert vanlegvis delt
på grunneigarane ut frå areal på kvar eigedom.
Driftsplana vil ikkje ta opp denne
praksisen til nærare vurdering, men overlata til kvart enkelt jaktfelt å koma
til semje om ei demokratisk deling, og moglegheit for påverknad gjennom det
einskilde feltets demokratisk valde styre.
2.9 Potensiale for næringsutvikling
Som kan sjå av delkapittel 2.6 og
2.7 ligg det eit stort potensiale i utvikling av valdet som ei ekstrainntekt
til dei einskilde bruka. Dagens landbrukspolitikk må seiast å ha ført til ei
mindre inntekt på tradisjonelt landbruk, og mange vil i denne samanhengen sjå
på andre potensielle inntektskjelder for bruket.
Det er på det reine at dagens
ordning, med ei blanding av jaktarar frå grunneigarane og andre, fungerar
veldig bra.
Forvaltningsmessig er det utan
tvil fornuftig å nytta jaktarar som kjem att kvart år, og som etter kvart har
eigeninteresse i å forvalta hjortestamma til beste for både arten og
grunneigarane, gjennom valdets styre sine avgjersle.
Ei god avhending av kjøttutbyttet
kan være med å sikra ei god attåtnæring på ressursen, sjølv om ein ikkje sel
heile jakta som ei pakke.
2.10 Konklusjon
I føre plana var målsetjinga å delta i ein positiv forvaltning av hjortestammen,
og kome fram til ein optimal, sunn og stabil bestand, med god alders og
kjønnsfordeling og med ein storleik som ikkje medfører for store skadar på skog
og jordbruksareal.
Av delmål sette ein opp følgjande
;
- Utnytte
produksjonskapasiteten i området på ein betre måte, spesielt med tanke på
den overskytande delen av arealet på kvart enkelt jaktfelt, som er for
lite til åleine å gi større kvote.
- Redusere
bestandens storleik til ein passande storleik i forhold til leveområdets
bæreevne, i forhold til beitepress og vinterbeite i klumpingsområdar, og
for totalt å oppnå ein optimal produksjon og avkastning, med sunne ,
friske dyr, god kjønns- og aldersfordeling i heile driftsplanområdet.
- Stanse
nedgangen i slaktevektene som følgje av låg alder på produksjonsdyra,
for på sikt å kunne få ein viss auke i slaktevekt på kalv og ungdyr.
- Sikre
ei human jakt med høg fellingsprosent.
- Sikre
ei fordeling av fellingsløyva som står i forhold til dei ulike jaktfelta
sin kvalitet og verdi for hjortestamma.
Punkt 1 må seiast å være oppnådd i
alle år av førre driftsplan. F.o.m. 1998 t.o.m. 2000 har valdet samla fått
tildelt 2 dyr ekstra per år, samanlikna med om dei hadde vore delte i 4
einingar. I 2001 har valdet ”tent inn” 3 dyr, ved å vera eit vald, i staden for
5 einingar.
Samtidig har valdets modell med å
føra dyr frå eit felt til eit anna, alt etter kor det har vore mest dyr, truleg
ført til ei auka avskyting på nærare 10 dyr i 2001.
Punkt 2 i delmålsetjinga er ikkje
nådd, korkje i forhold til bestandens storleik, eller beitepress. Produksjonen
er mest sannsynleg for stor, og avkastninga er høg (jf. fig. 2.2.1., 2.4.1. og
2.5.1). Når det gjeld å ha sunne, friske dyr med god kjønns- og
aldersfordeling, så er dette parameter som er vanskeleg å etterprøva. Det er per
i dag ingen grunn til å tro at stammestorleiken har påverka korkje sunnskap
eller kjønnssamansetning, men det er grunn til å tru at ei auke i tal dyr kan
gi negative verknader i så måte.
Punkt 4 om ei human jakt med høg
fellingsprosent er i aller høgste grad nådd. Ei human jakt er sikra gjennom
stabile, vande jaktarar, og høg fellingsprosent sikrast ved ordninga med å
overføra dyr mellom jaktfelta. Samstundes sikrar ein punkt 5 i delmålsetjinga
gjennom den same overføringa ved at størst uttak av dyr vert gjort der utvalet
og stammetettleiken er størst.
3. HANDLINGSDEL
3.1 Avskyting
På same vis som i førre
planperioden, må ein leggje vekt på bestandsreduksjon, og då særleg gjennom å
redusera kollebestanden. Fig. 2.2.1, 2.4.1 og 2.5.1 samt Tab.
2.5.1 visar med all tydeleg heit at planlagt bestandsreduksjon ikkje vart
oppnådd innafor føre planperioden.
Tek ein som utgang teljingane i
mai 2001, og med ein faktor på 1,5 (valdet har mykje preferert og godt synleg
teljeareal), gir dette ein bestand i området på 230 dyr.
Det er grunn til å tru at vel 98 %
av eldre koller får fram kalv, mens 50 – 60 % av 2 - åringane kalvar (tall frå Rolf Langvatn).
Vi kan vidare setja ein teoretisk kjønns- og alderssamansetning ved
teljetidspunkt som følgjer :
Eldre bukk : 26 % 60
stk
Eldre koller : 42 % 97
stk
1 – åringar 32 % 73 stk
Av desse vil vi få ein del
naturleg avgang ved mortalitet og emigrasjon, men truleg også immigrasjon.
Det er ut frå dette grunn til å
tru at 85 % av alle hodyr får kalv fra midten av
juni. Det er dermed grunn til å tro at det i 2002 vil verta født 82 kalvar.
Skal stamma holdast på dagens nivå, ut frå desse føresetnadane, må ein legge
inn ein naturleg avgang/migrasjon frå valdet på over 30 dyr, viss ein ikkje
aukar avskytinga.
For å sikre ein nedgang i talet på
dyr på valdet, bør ein ta ut eit større tal dyr, eller ta ut fleire eldre
produktive koller. Går ein inn for å ta ut fleire dyr, bør desse truleg tas ut
som kalvar.
Det er få riktig store bukkar å
sjå, slik at desse bør sparast, og bukk bør helst verta teke ut som spissbukk
og ungbukk.
Ved ein observasjon av endringar i
bestanden på tvers av målsetjinga, må avskytinga justerast i samarbeid mellom
jaktrettshavarar og vilt og innlandsfiskenemnda. I prosent vil ein leggja opp
til følgjande fordeling på avskytinga :
Kolle 50 %, bukk 20 %, kalv 30
%.
3.2 Fordeling av felte dyr
Fordeling av kvoter på jaktfelta
skal gjerast etter same prinsipp som viltnemnda tildelte kvoter etter teljande
areal i valda. Ekstrakvoter som vert tildelt ved at valda samla får utnytte
areal som før ikkje var stort nok til åleine å gi auka kvote, skal fordelast
mellom jaktfelta og gå på omgang dersom dette ikkje utgjer tillegg for alle
jaktfelta. Ved eventuell redusert kvote i planperioden, skal dette gå med
fråtrekk i oppnådd ekstrakvote for tidlegare ikkje utnytt - bart teljande
areal. Utover dette vert tildelt samla kvote å fordela ved reduksjon, i forhold
til det teljande arealet i jaktfeltet etter same % - sats som viltnemnda har
nytta ved fråvik av minstearealet i tildelinga av den totale kvota for valdet.
Det skal skytast på den til ei
kvar tid gjenvarande del av total kvote i valdet. Felte dyr skal fordelast
mellom jaktfelta, alt etter kva dyr som gjenstår på kvart jaktfelt.
Også etter at eit felt har fylt
sin kvote, kan desse jakte på den totale kvota, men dette skal avtalast før
jaktstart kvart år. Dette skal prinsipielt, men ikkje konsekvent først kunne
gjennomførast etter at jaktfeltet har felt si eiga kvote.
Fordeling av dyr til anna jaktfelt
skal administrerast av valdsledar som skal følgje med kven som manglar dyr, og
skal ta imot. Dette skal sirkulerast slik : Liaset,
Øvrelid, Hjørungdal/Haugen, Engeskaret/Åsen,
Korshamn/Hjørungnes.
Same delingsrekkefølgje gjeld og
ved ei eventuell felling av skadedyr.
3.3 Fallvilt / Skadedyrfelling
Fallvilt er definert som vilt som
vert funne dødt etter at viltnemnda har teke over ansvaret for eit ettersøk (§
26 Forskrift av 1.8.1989 om forvaltning av hjortevilt).
Slikt fallvilt er viltnemndas
ansvar, og valdet har ikkje anna ansvar enn via grunneigar å fjerne kadaver
eller grave det ned. Dette må gjerast for grunneigars rekning. Er det derimot
andre verdiar på fallviltet, til dømes ei verdifull krone, vil denne være
viltnemndas eigedom og kan seljast til inntekt for viltfondet.
Skada vilt som påtreffast under
jakt, på valdet, kan takast av kvota viss ikkje dyret er ettersøkt av annan
jaktar i medhald av forfølgingsretten § 34 jf. § 26 i hjorteviltforskrifta.
Når det gjeld felling av hjort som
gjer skade kan viltnemnda gi løyve til dette i følgje viltlovas § 13. Sumaren
2001 vart slik løyve gitt. Ein fekk då løyve til å felle 10 dyr av kvota, og 6
dyr til inntekt for viltfondet. Prisen på dyra som vart felt til viltfondet,
vart sett til
kr. 1000,- for vakse dyr, og kr.
250,- for kalv. Tidsrommet fellingsløyva vart gitt for, var frå og med 25. juli
til og med 15. august.
For året 20001 vart alle 10 dyra
av kvota felt ( 6 vaksne hodyr og 4 kalvar), mens ein felte 2 av dei tildelte
dyra som gjekk til viltfondet (1 vakse hodyr og 1 kalv).
Verknaden av fellinga i 2001 var
god, og avlingstapet på andre slåtten gjekk merksamt ned. Søknad om felling av
skadedyr må takast opp til handsaming i styret for kvart einskild år, og på
førehand vera drøfta med aktive bønder/grunneigarar.
Målsetjinga må vera å få så stor
reduksjon i hjortestamma at skadedyrfelling kan unngåast.
I år kor skadedyrfelling vert
einaste utvegen, må tildelinga fyllast. Ei mangelfull avskyting i hendhald til
tildeling vil kunne føre til negativ haldning blant resten av befolkninga, og
det vil kunne mistenkjeleggjerast som ein utveg for å få drive ”tidlegjakt”, og
ein måte å ”sikre seg” ei fylling av totalkvota for året.
3.4 Feilskyting
For å unngå feilskyting, og sikra
at driftsplana vert halden, vil ein gå inn for straffereaksjonar ved
feilskyting. Jeger ileggast intern bot på kr. 500,- samt inndraging av ”jeger-lår”. Feilskote dyr vert overført til jaktfelt som
ikkje har fylt si kvote, og er villig til å ta mot slaktet. Skriftleg rapport
om hendinga skal sendast til driftsplanstyret ved valdsleiar, innan 24 timar
etter at fellinga fant stad. Feilskyting ut over totalt løyva kvote for
driftsplanområdet er straffbart etter viltlovas § 48, og skal rapporterast til
viltnemnda.
Forpliktande jegerkontraktar for
kvart enkelt jaktfelt i heile driftsplanområdet, for desse forhold, skal
inngåast.
Ved brot på føreskrifter og
driftsplan, samt retningslinjer for jeger, og jegerkontrakt, kan
driftsplanstyret utelukke jegeren for resten av jakttida eller neste
jaktperiode.
Retningsliner for jeger, og
jegerkontrakt skal revurderast på kvart årsmøte.
3.5 Næringsutvikling
Det er førebels ikkje interesse
for å gå inn på ei meir kommersiell utnytting av valdet. Dette kan likevel
verta aktuelt lengre fram i tid, og då i første rekkje med sal av jakt på delar
av kvota. Ei kommersiell utnytting er likevel avhengig av å ha ei god oversikt
og kontroll på hjortestammas storleik og kjønns- og alderssamansetning, noko
ein førebels ikkje har.
3.6 Utviding av valdet
Valdet vart utvida med eit felt i
2001 (Korshamn/Hjørungnes). Ei vidare utviding kan
være aktuelt i begge enderetningane. Ei slik utviding bør i første rekke
konsentrerast mot nord, noverande vald nr. 19 Liavåg/Nedrelid. Dette valdet består av 17 grunneigarar og er 1770
daa.
I sørleg retning kan ei utviding
vera aktuelt mot vald nr 15 Alme/Ulset. Dette valdet
har 7 grunneigarar og er på 5040 dekar. Her må ein likevel ta omsyn til korleis
hendsiktsmessig inndeling av storvald i andre deler av kommunen kjem ut.
Valdssamansetninga skal ikkje
endrast i driftsplanperioden, verken ved tilføring av nye vald eller endrast
ved at nokon av jaktfelta trekkjer seg ut av samarbeidet før driftsplana går
ut.
Likevel vil plana opna for ei
utviding med omsyn til før - nemnde vald, men då med eit samstemt vedtak av
årsmøtet i vald 16. Dette på grunn av arbeidet som er i gang med samanslåing av
vald og driftsplanarbeid som skal vera ferdig innan 2006. Dei vald som
eventuelt går inn i vald 16 i perioden, påleggast automatisk å gå inn på denne
driftsplana, og dei justeringar som der igjennom vil verta utført.
3.7 Teljingar
Kvar vår føregår teljingar i regi
av viltnemnda. Det teljast då frå veg, til tilnærma same dato og på dei same
vegane for kvart år.
Dette gir ein pekepinn på
utviklinga av hjortestamma frå år til år, på vårparten. Det må likevel seiast
at her kan ligge inn enkelte usikre moment, så som vêrmessig påverknad på
teljingane, og menneskeskapte ulikheitar så som gjødselspreiing frå gardsbruka
til varierande tider frå år til år. Det er og grunn til å nemna årsvariasjonar i beitegrunnlag på våren som ein påverkande
faktor på teljingane.
Samtidig vil ei vårteljing ikkje automatisk kunne overførast som ei sanning
kva vedgår hjortens opphaldsstader når jakta tek til.
Ut frå før nemnde moment har
valdet frå jaktsesongen 2001 innført ”sett hjort”-
skjema på alle jaktfelta.
Dette vil frå og med neste
driftsplan kunne nyttast som eit godt grunnlag for avskytingsstrategiar på
valdet.
3.8 Andre tiltak
Kontrollordningar skal
gjennomførast etter avtale innteke i avskytingsavtale med vilt og
innlandsfiskenemnda.
Driftsplanstyret og grunneigarane
skal sjølve stå for økonomiske fordelingsordningar som følgje av driftsplana.
Pr. i dag har valdet lagt på ei avgift på kr. 20,- / dyr til dekking av porto /
kopiering osb. Denne avgifta kan regulerast etter alminnelig fleirtalsvedtak i
driftsplanstyret.
Etter kvar jaktsesong, og før
årsmøtet, skal fellingsresultat, bestandsutvikling og driftsplan evaluerast.
4. FINANSIERING OG
DRIFT
4.1 Økonomi
Inntekter til valdet er intern
ekstra fellingsavgift på kr 20,- / dyr og eit eventuellt
overskot frå valdets årlege hjortevaldfest.
Utgifter til valdet er porto,
kopiering og telefon.
Dette har til no gått i balanse,
og eventuelle ekstraordinære utgifter, og dyrere
prosjekt, må søkes finansiert over det kommunale viltfondet, eller andre
finansieringskjelder.
4.2 Driftsrutiner
Årsmøtet :
Årsmøte skal avholdes
innen 1. mars, og skal vere åpent
for alle grunneigarar. Innkalling til årsmøtet skal kunngjerast i brevs form,
seinast 3 veker før møtedato. Saker som ønskes handsama på årsmøtet, må vera
driftsplanstyret i hende seinast 1 veke før møtedato.
Kvart jaktfelt skal før årsmøtet
ha valgt sin representant til driftsplanstyret, samt
vara. Alle jaktfelt skal vera representert med ein person i driftsplanstyret.
Det skal vera valg
i dei einskilde jaktfelta annakvart år. For å sikra ei overlapping i driftplanstyret skal det velgast i 3 jaktfelt på oddetal,
og 2 jaktfelt på partal.
I 2002, 2004 o.s.b.
skal jaktfelta Liaset og Øvrelid velge
sine representantar, mens Hjørungdal/Haugen,
Engeskaret/Åsen og Hjørungnes/Korshamn vel sine
representantar i 2003, 2005 o.s.b.
Dei som velges
til driftsplanstyret, skal også vere jaktfeltsledere
i sine respektive jaktfelt. Varamedlemmar har
møterett, men stemmerett kun når dei er
innkalla som vara.
Årsmøtet skal frå desse 5 valgte frå jaktfelta, velge
leder, nestleder, kasserer, sekretær og styremedlem.
Årsmøtet skal handsame styrets
forslag til driftsplan og avskytingsavtale, kvar gong denne fornyast.
Årsmøtet skal velge
2 revisorar for 2 år av gangen.
Årsmøtet skal velge
to personer som saman med lederen
skal underteikna protokollen.
Årsmøtet kan berre fatte vedtak i
saker som er nevnt i innkallinga. Styret skal
innkalle til ekstraordinært årsmøte når styret eller minst 1/3 av jaktfelta
krev det.
Av faste saker på årsmøtet skal
desse vere med :
Driftsplanstyrets leder åpner møtet
Valg av ordstyrar og referent
Godkjenning av innkalling og
sakliste
Revidert regnskap, årsmelding og
budsjettforslag
Valg
Evaluering av retningslinjer for
jeger og jegerkontrakt og arbeidsinstrukser
Ellers skal saklista ha med innkomne saker, og saker som
driftsplanstyret ønsker tatt opp.
Alle grunneigere
har lik stemmerett på årsmøtet.
Eit vedtak er gyldig med
alminnelig fleirtal.
Valdleiar :
Valdleiar er også vald/jaktansvarleg.
Valdleiar skal kalle inn til årsmøte, samt alle andre møter i
valdets regi.
Valdleiar skal vera ansvarleg for å sette i gang arbeidet med
fornying av driftsplana for kvar periode.
Valdleiar skal samordne jakta og avskytinga under jakta, samt stå
for fordelinga av felte dyr i henhald til
driftsplana.
Styret :
Styret er ellers
ansvarlege for å koma med forslag til årleg kvote og godkjenning av
driftsplana.
Styret skal arbeide for god
opplysning blant driftsplanas medlemmar om faglege spørsmål.
Styret er som jaktfeltsleiarar ansvarleg
for å samle inn alle skjema og overbringe disse til driftplanstyrets
leiar.
Avskytingsavtale
2002 – 2006
Vald nr 16 Hjørungavåg i Hareid
kommune, har med vedtak av ………….. 2002 i Vilt og innlandsfiskenemnda fått godkjent
driftsplan for perioda 2002 – 2006.
I samsvar med den avskytingsprofil
som er godkjend i planen, er det inngått følgende
avskytingsavtale mellom valdet og vilt og innlandsfiskenemnda :
1.
Den årlige fellingskvote som vert
tildelt valdet i samsvar med valdets teljande areal, gjeldande minsteareal og fravik fra dette, tildeles som
berre valgfrie dyr i et antal
av 48 dyr med heimel i forskrift om forvaltning av hjortevilt § 19.
2.
Ovanståande fellingstillatelse er gitt under
foresetnad av fordeling på kjønn / kalv, og øvrige bestemmelser som er
nedfelt i godkjend driftsplan med eit slingringsmonn på +/- 10 %.
3.
Fellingsavgifter i h.h.t. gjeldande tariff skal betalast i samsvar med
gjeldande reglar.
4.
Jaktrettshavarane disponerer fritt
innafor den tildelte kvote for 2002 – 2006 i samsvar med bestemmelser
innteke i driftsplanen.
5.