INNHALD

1. INNLEIING.. 1

1.1 Planområdets avgrensing. 1

1.2 Målsetjing. 1

1.2.1 Hovudmål 1

1.2.2 Delmål 1

2. STATUS OG VURDERINGAR.. 2

2.1 Hjortestammens utbreding og trekkforhold. 2

2.2 Vårteljing. 2

2.3 Trafikkdrepe dyr 3

2.4 Beitegrunnlag. 3

2.5 Beiteskader 3

2.6 Felte dyr 4

2.7 Kjøttverdi 7

2.8 Kjøttdeling. 7

2.9 Potensiale for næringsutvikling. 7

2.10 Konklusjon. 8

3. HANDLINGSDEL. 9

3.1 Avskyting. 9

3.2 Fordeling av felte dyr 10

3.3 Skadeskyting. 11

3.4 Ettersøkshund. 11

3.5 Fallvilt / Skadedyrfelling. 12

3.6 Feilskyting. 12

3.7 Næringsutvikling. 12

3.8 Utviding av valdet 12

3.9 Teljingar 13

3.10 Andre tiltak. 13

4. FINANSIERING OG DRIFT. 14

4.1 Økonomi 14

4.2 Driftsrutiner 14

Avskytingsavtale 2003 – 2005. 15

EIGEDOMSLISTE.. 16

1. INNLEIING

1.1 Planområdets avgrensing

Driftsplana omfattar områda som vert disponert av jaktfelta Våge m.fl., Gjerdsbakk,

Ertesvåg / Dimmen og Dimmen i Ulstein kommune.

Teljande areal i kommunen går opp tom. 500 m.o.h. Alt areal på valdet ligg under dette høgdelaget.Innmark er medrekna, men busett areal er trekt ut.

Teljande areal er samla på 7170 daa.

Kravet til minsteareal per dyr er i dag (fastsett av Fylkesmannen i Møre og Romsdal med heimel i Lov om viltet av 29.05. 1981 nr 38 § 16 og Forskrift om forvaltning av hjortevilt av 01.08. 1989 nr 0788 §§ 9 og 10 den 02.04. 2002) sett til 400 daa / dyr for heile Ulstein kommune. Ved max. Bruk av 50 % - regelen skal då minstearealet per dyr ligge mellom 200 og 600 daa.

Denne driftsplana for vald 17 Dimnøya skal gjelde for perioden 2003 tom. 2005.

Ved misleghald eller dårleg samsvar mellom målsetjing og resultat, kan driftsplana seiast opp. Dette må skje innan 1.april før ny jaktsesong.

Dersom viltnemnda seier opp driftsplana og jaktrettshavarane ikkje er einige i grunngjevinga, kan oppseiinga ankast til Fylkesmannen innan 3 veker i hendhald til lov om forvaltning av 10. februar 1967 kap. VI § 29.

1.2 Målsetjing

1.2.1 Hovudmål

Driftsplanas formål er ønsket om å delta i ei positiv forvaltning av hjortestamma, der målsetjinga er å kome fram til ein optimal, sunn og stabil bestand, med god alders- og kjønnsfordeling, og med ein storleik som ikkje medfører uakseptable skadar på skog- og jordbruksareal.

Dette skal oppnåas ved lokal styring av rettigheitshavarane, ved god planlegging, ei til kvar tid god og rett avskyting, og godt samarbeid mellom grunneigarar, jaktarar, viltnemnda og andre involverte partar.

1.2.2 Delmål

Ein vil ved før nemnde mål prøve å stanse nedgangen i slaktevekt på dyra, og på sikt, auke denne. Ein skal sørgja for ei human jakt og ein høg fellingsprosent.

Valdet skal, mellom anna gjennom informasjonstiltak, søke å samle heile grenda i felles haldning med omsyn til avskyting og sikring av ei heilskapleg forvaltning av den lokale stamma. Eit av verkemidla vil her vere påverkning opp mot viltnemnda.

2. STATUS OG VURDERINGAR

2.1 Hjortestammens utbreding og trekkforhold

Hjortebestanden i Ulstein kommune har vakse jamt gjennom fleire år, og har i visse deler av kommunen vakse seg større enn kva som kan reknast som biologisk forsvarleg.

Ein har gjennom auka avskyting over fleire år, prøvd å stanse auka i stamma. Vårteljingar har vist ein vekst fram til siste år, då tala gjekk noko ned. Visse område i kommunen har hatt større auke enn andre. Det er påvist beiteskadar på innmark i enkelte delar av kommunen.

Dette er og gjeldande for delar av vald 17 Dimnøya.

Størst konsentrasjon innafor valdet har vi ved teljingane til no hatt på Ertesvågane og Dimmen.

2.2 Vårteljing

Kvar vår vert det utført teljing på innmark, i regi av viltnemnda. Dette er ein god indikator på hjortestammens utvikling, i alle fall i samband med beitetrykket som kan forventes for den einskilde våren/sommaren.

Fig. 2.2.1 Talte dyr ved teljing på vald 17, i april/ mai (1993 – 2002)

Figuren viser talte dyr på Dimnøya i perioden 1993 – 2002, under vårteljingane. Som ein kan lesa ut av figuren, har det vore stor nedgang i teljinga våren 2002. Dette fenomenet er gjeldande for heile kommunen, og regionen. Mykje av denne nedgangen kan antakeleg forklarast med ein ekstremt tidleg vår, og god næringstilgang i utmarka ved teljetidspunkta. Ser ein på 3. teljinga som er i siste halvdel av mai, har denne ein tendens til å være låg, og det skyldes moglegens at dyra trekker til skogs når næringsgrunnlaget er til stades, seint ut på våren i eit normalår. I år 2002 vil vi i så fall ha ei naturleg forskyvning på teljingane. Ein kan sjølvsagt ikkje utelukke andre faktorar, men dette kan først stadfestast fleire år fram i tid, då statistikkgrunnlaget vil jamnast ut over tid.

2.3 Trafikkdrepe dyr

Det har i dei siste åra vore jamnt eit trafikkdrepe dyr i området, per år.

Det er likevel ingenting som tilseier at hjortestamma er noko problem innafor valdets grenser, opp mot trafikkskader. Dette kjem nok i første rekkje av at valdet har få høgtraffikerte vegar innafor sitt område, samt at det i store delar av valdet allereie er nedsett fart grunna busetnadstettleik.

2.4 Beitegrunnlag

Beitegrunnlaget er veldig viktig for å kunne berekne kor stor hjortestamme ein kan ha i eit område. Men sjølv om beitegrunnlaget er godt, vil det gå ei grense for kor stort beitetrykk som kan tolererast, og dette er ofte avhengig av i kor stor grad menneskja indirekte skal livnæra seg av same beiteareal.

På Dimnøya er arealet fordelt som følgjar (omtrentlege tal) :

Dyrka areal      Barskog           Lauvskog         Anna utmark

800 daa           1500 daa         600 daa           4270 daa

(11,0%)           (21,0 %)          (8,5 %)            (59,5 %)

Det meste av dyrkamarka i området ligg i li - sidene ned mot sjøen. Høgre opp i desse li - sidene har ein stort sett barskog, før ein kjem opp i lyngmark - vegetasjon og ein større andel snaufjell og myrområde.

2.5 Beiteskader

Når det gjeld beiteskadar på innmark, er dette eit stadig aukande problem. Fram til 2000 har det vore mogleg å søka erstatning for beiteskadar på innmark, frå Miljøverndepartementet. Frå 2001 fall denne moglegheita bort, og skadeerstatning skal i hovudsak ikkje ytast, men prøvast løyst ved førebyggjande tiltak, finansiert gjennom dei kommunale viltfonda.

Det er få innkomne rapportar om beiteskadar av hjort i området, siste åra, slik at statistikkgrunnlaget ut frå taksering vert mangelfullt. Likevel veit man at det i enkelte delar av valdet årleg inntreffer beiteskader av ulik styrke.

Dei best drevne engmarkane prefererast som beite for hjorten, og meir skadar enn i dag kan ikkje tolererast.

2.6 Felte dyr

Fellingsstatestikk for alle fire jaktfelta samanlikna med sum for Ulstein kommune.

Tab. 2.6.1 Felling på vald 17 samanlikna med heile kommunen i perioden 1996 – 2002

Som ein kan sjå av tabell 2.6.1 har det i heile perioden vore høg fellingsprosent på valdet, og den har i alle siste 6 åra vore over fellingsprosenten for kommunen totalt.

Ser ein på felte dyr og kjønns / aldersfordeling på desse så er gjennomsnitten over siste sju åra her 36 % kalv, 46 % kolle og 18 % bukk. Av tildelt kvote ligg fellingsprosenten på kalv på 86 %, kolle på 88 % og bukk på 51 %. Dette er eit typisk reduksjonsuttak med høg kollefelling. Samtidig har ein òg ein høg fellingsprosent på kalv, medan bukkefellinga er låg.

Hovedårsaka til den låge bukkefellinga er få observasjonar av bukk under jaktsesongen, og stor andel kolle med kalv på valdet om hausten.

Fig. 2.6.1 Felling på vald 17 i perioden 1991 – 2002

Går ein bak i tid, låg fellinga på 4 dyr i 1991, for å stiga brått til 13 i 1993, og har sidan stabilisert seg mellom 12 og 16 dyr, sett bort frå i 1996 då fellinga var heilt nede på 10 dyr og 2002 då valdet felte 19 dyr.

Ei samanlikning mellom dei ulike jaktfelta vil vera interessant ved statusgjennomgangen. Dette seier ein god del om kor i valdet det er størst felling, og kor jakta er mest suksessfull i henhald til tildelinga.

Tab. 2.6.2 Fordeling av fellingsprosent mellom jaktfelta 1996 – 2002 (tildelte dyr i parantes)

Det har vore eindel endringar på  valdstrukturen i valdet gjennom åra. Valdet Våge/Åsen/ Gjerdsbakk er frå 1997 same vald som dei to valda Våge m. fl. og Gjerdsbakk. Største delen av valdet Sundgot er frå 1998 likelydande med Gjerdsbakk. Namnet var Dimna statskog fram til og med hausten 2001. Etter denne tid nemnes det som Gjerdsbakk.

Det er òg interessant å sjå på fordelinga mellom jaktfelta med omsyn til kjønns/aldersfordeling, og den er i %, følgende for siste seks åra (ant. felte dyr i parantes) :

Tab. 2.6.3 Kjønns- og aldersfordeling på felte dyr fordelt på jaktfelta 1996 – 2002

Som ein ser av tab. 2.6.3 er det lite variasjon i fordelinga på kjønn og alder mellom dei ulike jaktfelta, siste 6 åra (sett bort frå Gjerdsbakk som grunna låg felling ikkje påverkar stort).

Tab. 2.6.4 Gjennomsnitt felling alder / kjønn i % Ulstein kommune tot. mot vald 17

År for år i perioden er det stor variasjon mellom kommunesnitt og vald 17, særleg frå 1996 t.o.m. 1998, etter denne tid er kommunesnitt og snitt for vald 17 nokonlunde jamn, utanom 2002 då skilnaden igjen er stor. Ser ein på sjuårs-perioden under eitt, er gjennomsnittet for Ulstein kommune som følger (snitt for vald 17 i parantes) : 35 % (18 %) bukk, 40 % ( 46 %) kolle og 25 % ( 36 %) kalv. Denne trenden på avskytingsmodell som er utført på valdet siste åra, tilseier ei ”krymping” av stamma. Dette forutsett at stamma på valdet er nokonlunde stabil, utan vesentleg innvandring. Går ein inn i talmaterialet som syner kjønnsfordelinga på kalvar, så er denne mest heilt likt fordelt mellom hann- og hokalvar, med 52,8 % felte hannkalvar og 47,2 % felte hokalvar over sjuårsperioden.

Totalt over perioden er det felt 17 hokalvar (2,4 i snitt) og 19 hannkalvar (2,7 i snitt). Totalt over siste sjuårsperioden er det då teke ut 101 dyr, og av desse 37 % hanndyr (37 stk) og 63 % hodyr (64 stk) på valdet. Ut frå dette må ein òg kunne forvente ein nedgang i den totale stamma. Desse tala kan gje ei framtidig utfordring med tanke på å nå målsetjinga for valdet. Dette forsterkes ytterlegare med tanke på at vi med dagens forvaltningsmodellar sjeldan får dyr som er eldre enn tre til fire år, i særleg grad gjeld dette bukkar.

Ein kan ut frå dette konkludera med, viss ikkje innvandringa til valdet er særs stor, at valdet har teke ut overskotet av kollar og må belage seg på å ta ut større bukkeandel i næraste åra.

2.7 Kjøttverdi

Kjøttverdi er ein parameter som kan variera, alt etter kva marknaden er villig til å betale for eit gitt kvantum kjøtt. For offentleg sal vil sannsynlegvis prisen ligge på kring kr 30,-/kg + mva. (gamle klasse 1 storfe). Dette vil være eit omtrentlig grunnlag for berekninga. Når det gjeld omsetning av viltkjøtt er det likevel på det reine at ein god del vert omsett privat, og då ofte til ein noko høgare pris (ofte opp mot det doble).

For å berekna verdi må vi bruka gjennomsnittsvekter fordelt på alder og kjønn. Ved kontroll av 48 dyr på anna vald i 2001, fann ein følgjande gjennomsnittsvekter (ant felt av kvar type på vald 17 Dimnøya i 2002, i parantes) :

Kalv 20 kg ( 8 stk ), kolle 1 ½ år 46,5 kg ( 1 stk ), bukk 1 ½ år 49 kg ( 0 stk), eldre kolle 60 kg  ( 8 stk ), eldre bukk 78 kg ( 2 stk ).

I året 2002 vart det felt 19 dyr på valdet, med ei samla slaktevekt berekna til 843 kg. Med ein kjøttpris på kr 30,- / kg vil dette gi ein kjøttverdi på kr. 25.290,- + mva på kr 6.070,-.

Dette gir for 2002 ein reell kjøttverdi på meir enn kr 31.000,-.

På den private marknaden vil denne kjøttverdien sannsynlegvis være på rundt kr. 50.000,-.

Dette tilsvarar i gjennomsnitt i overkant av kr. 7,00 per dekar i valdet, årleg.

2.8 Kjøttdeling

Kjøttdeling praktiserast på ulike vis rundt om i valda i kommunen. I jaktfelta på vald 17 er det ulik praksis frå jaktfelt, til jaktfelt.

Driftsplana vil ikkje ta opp denne praksisen til nærare vurdering, men overlata til kvart enkelt jaktfelt å koma til semje om ei demokratisk deling, og moglegheit for påverknad gjennom det einskilde jaktfeltets demokratisk valde styre.

2.9 Potensiale for næringsutvikling

Som kan sjå av delkapittel 2.6 og 2.7 ligg det eit stort potensiale i utvikling av valdet som ei ekstrainntekt til dei einskilde bruka. Dagens landbrukspolitikk må seiast å ha ført til ei mindre inntekt på tradisjonelt landbruk, og mange vil i denne samanhengen sjå på andre potensielle inntektskjelder for bruket.

Det er på det reine at dagens ordning, med ei blanding av jaktarar frå grunneigarane og andre, fungerar veldig bra.

Forvaltningsmessig er det utan tvil fornuftig å nytta jaktarar som kjem att kvart år, og som etter kvart har eigeninteresse i å forvalta hjortestamma til beste for både arten og grunneigarane, gjennom valdets styre sine avgjersle.

Ei god avhending av kjøttutbyttet kan være med å sikra ei god attåtnæring på ressursen, sjølv om ein ikkje sel heile jakta som ei pakke.

2.10 Konklusjon

Målsetjinga for valdet er å ha ei hjortestamme som er størst mogleg, men innafor akseptable rammar med omsyn til beiteskader og stammas helsetilstand. Ein ønsker òg å halde stammestorleiken på eit nivå som kan auke vekta på enkeltindivida i stamma.

Vårteljingane indikerar ein liten nedgang i hjortestamma i Ulstein kommune, og teljingane / fellingane innan vald 17 viser noko av den same tendensen, i alle fall ser det ur til å ha vorte ei stabilisering av stamma.

Beitegrunnlaget på valdet er særs godt per i dag, men ei gjengroing av viktige areal kan forringe dette i komande 10 – årsperiode. Det er difor viktig å oppretthalda minimum dagens nivå på jordbruks- aktiviteten også fram i tid.

Det er på det reine at hjorten prefererar dei best drevne markane, og etter kvart som det vert færre bruk i drift vil belastninga verte stor på eit fåtal brukarar. Ein vil ikkje kunne tolerera større skadeomfang enn kva tilfellet er i dag.

Areal per felt dyr i valdet ligg på 377 daa i snitt i 2002. For Ulstein kommune ligg snitten for same året på 670 daa. per dyr. Ut frå dette må det kunne seiast at vald 17 har ei høg felling i henhald til arealet. Den største auka i bestanden på øya var fram til 1993, etter denne tid har fellingane vore rimeleg stabile, og det kan sjå ut som maksimumsgrensa for avkastning innan valdet er nådd i 2002.

Valdet handsamar ein stor årleg verdi med omsyn til førstehands kjøtverdi, og eit av jaktfelta har òg i dag ei viss inntekt av jakta (Gjerdsbakk v/opplysningsvesenets fond). Alle felta har verdifullt tilskot til eige hushald.

Kjøtdelinga og næringsutvikling vert avtala innan kvart enkelt jaktfelt, og driftsplana legg ingen føringar for dette.

Då dette er valdets første driftsplan, kan ein ikkje konkludera kring målsetjing og måloppnåing enda. Dette kan først gjerast ved revidering av driftsplana og avskytingsavtalen.

3. HANDLINGSDEL

3.1 Avskyting

Det vil ut i frå den kunnskap ein har om beitegrunnlag, stammetettleik og slaktevekt på felte dyr, ikkje være grunnlag for å tilrå ei auke i bestanden i valdet. Særleg er det dyras slaktevekt og lite / ingen auke i høgproduktive beiteareal som tilseier dette. Derimot er det eit mål å få ei enda betre kjønnsfordeling innad i stamma, samt stabilisera uttaket med omsyn til antal dyr, på dagens nivå. På same tid vil det vere viktig å få til eit samarbeid på tvers av jaktfeltsgrensene, der forholda ligg til rette for dette.

Eit samarbeid på tvert av felta vil vera heilt friviljug, og avtalast mellom enkeltfelt for kvar jaktsesong, eller i dei einskilde tilfella.

På sikt vil det vera ei målsetjing for driftsplanområdet å auka graden av samarbeid og samsnakking mellom alle jaktfelta.

Det vil vera naudsynt for driftsplana å følgje viltnemndas overordna målsetjingar for avskyting innad i valdet.

Tek ein som utgangspunkt teljingane i mai 2001, og gangar med ein faktor på 1,5 (valdet har mykje areal av slik beskaffenheit at dyr ikkje vert med i teljing på innmark), gjev dette ein bestand i valdområdet, våren 2001, på 43 dyr.

Det er grunn til å tru at vel 98 % av eldre koller får fram kalv, mens 50 – 60 % av to- åringane kalvar. Vi kan vidare setja ein teoretisk kjønns- og alderssamansetjing ved teljetidspunkt som følger :

Eldre bukk       16 %    =  7 stk

Eldre koller      47 %    = 20 stk

1 – åringar       37 %    = 16 stk

Fordelinga mellom eldre bukk og eldre kolle er funne ut frå kjønnsfordeling ved avskyting og observasjonar over fleire år.Desse gir indikasjonar på at valdet har høvesvis mykje kolle per bukk, samanlikna med mange andre vald (1 bukk per 2,8 kolle).

Det vil vera ein del naturleg avgang ved mortalitet og emigrasjon i valdet, men truleg og imigrasjon til valdet. Det føresettes ein naturleg avgang ved død per år på 1 voksen og 1 kalv. Emigrasjon / imigrasjon føresettes lik.

Ein bereknar at av alle hodyr vil ca. 85 % få kalv frå midten av juni. I 2002 vil det såleis verta født 24 kalvar. Før jakta 2002 skulle då hjortestamma telja totalt 66 dyr i valdet.

Kravet til minsteareal i valdet er 400 daa / dyr. Ved å ta ut 20 dyr per år, gir dette eit areal på i underkant av 360 daa / dyr. Dette vil samstundes gi ei teoretisk stabilisering av hjortestamma på dagens nivå. Det er likevel ønskeleg å få ei lita dreining på uttaket med omsyn til kjønn.

Ein vil difor gå inn for å ta ut 30 % kalv (6 stk / år), 30 % bukk ( 6 stk / år) og 40 % kolle (8 stk / år). Kollekvoten skal i størst mogleg grad takast ut som 1 ½ - åringar.

Kjønnsfordelinga skal kunne varierast innafor ei ramme på +/- 10 %.

Det kan skytast kalv istadenfor voksne dyr, og dette bør og utførast i år det ellers skulle verta problem med å fylle kvota.

3.2 Fordeling av felte dyr

Som utgangspunkt for fordeling av fellingsløyva innad i valdet, skal fordelinga i hovudsak skje på same grunnlag som Viltnemnda har lagt til grunn fram til i dag.

Viltnemnda har i si tidlegare fordeling lagt til grunn dei ulike jaktfelta sitt areal, samt felta sin kvalitet og verdi for hjortestamma.

Med 20 dyr i året som totalkvote for valdet, vert fordelinga følgande :

Tab. 3.2.1 Fordeling av totalkvota mellom jaktfelta 2003 – 2005

Tab. 3.2.2 Fordeling på kjønn / alder 2003

Tab. 3.2.3 Fordeling på kjønn / alder 2004

Tab. 3.2.4 Fordeling på kjønn / alder 2005

Ved neste driftsplanperiode skal det ved ny fordeling vektleggast at Ertesvåg/Dimmen totalt i denne perioda er tildelt 5 kalv, 7 kolle og 6 bukk, mens Dimmen er tildelt 6 kalv, 8 kolle og 4 bukk.

Sjølv om dette fastsettes som fordeling av felte dyr, oppmodast det på det sterkaste til samarbeid på tvert av jaktfeltgrensene ved avskyting. Det skal vera anledning til intern forskyving når jaktfelta er einige om det. Om eit felt får problem med å ta ut kvota, og slutten av jakta nærmar seg, oppmodas desse om å kontakta naboar for å få felt kvota. Desse dyra kan tilfalla den som manglar, eller det feltet som fellar dei, alt etter kva felta er vortne einige om på førehand. Det kan òg avtalast å jakte på nabofelt, om nokon vert einige om det. På same vis er det anledning til å bytta innan felta med omsyn til kjønn- og alderssamansetning.

Poenget med forvaltninga må vere å ta ut antal dyr i henhald til målsetjing, og derigjennom få kontroll med hjortestammas utvikling over eit så stort område som dette valdet representerar.

3.3 Skadeskyting

Ved skadeskyting skal jegeren tilkalla ettersøkshund og varsle valdleiar som i sin tur pliktar å varsle viltnemnda.

Alle jaktfelt skal òg varslas av valdleiar, samtidig skal all jakt på vald 17 innstillast inntil situasjonen er avklara, og dyret eventuellt friskmeld av viltnemnda.

3.4 Ettersøkshund

Styret for valdet skal ordne med ettersøkshund, og utgiftene skal fordelast i henhald til tildelte løyve innad mellom jaktfelta.

3.5 Fallvilt / Skadedyrfelling

Fallvilt er definert som vilt som vert funne dødt etter at viltnemnda har teke over ansvaret for eit ettersøk (§ 26 Forskrift av 1.8.1989 om forvaltning av hjortevilt).

Slikt fallvilt er viltnemndas ansvar, og valdet har ikkje anna ansvar enn via grunneigar å fjerne kadaver eller grave det ned. Dette må gjerast for grunneigars rekning.

Skada vilt som påtreffast under jakt, på valdet, kan takast av kvota viss ikkje dyret er ettersøkt av annan jaktar i medhald av forfølgingsretten i Viltlovas § 34 jf. § 27 i forskrift om utøvelse av jakt og fangst.

Når det gjeld felling av hjort som gjer skade kan viltnemnda gi løyve til dette i følgje viltlovas § 13.

Søknad om felling av skadedyr må takast opp til handsaming i styret for kvart einskild år, og på førehand vera drøfta med aktive bønder/grunneigarar.

Som utgangspunkt må ein ha at skadedyrfelling ikkje skal vera naudsynt, og at eventuell ”overproduksjon” skal haldast i sjakk gjennom denne driftsplana.

I år kor skadedyrfelling vert einaste utvegen, må tildelinga fyllast. Ei mangelfull avskyting i henhald til tildeling vil kunne føre til negativ haldning blant resten av befolkninga, og det vil kunne mistenkjeleggjerast som ein utveg for å få drive ”tidlegjakt”, og ein måte å ”sikre seg” ei fylling av totalkvota for året.

3.6 Feilskyting

Feilskote dyr vert overført til jaktfelt som ikkje har fylt si kvote. Skriftleg rapport om hendinga skal sendast til driftsplanstyret ved valdsleiar, innan 24 timar etter at fellinga fant stad. Feilskyting ut over totalt løyva kvote for driftsplanområdet er straffbart etter viltlovas § 48, og skal rapporterast til viltnemnda.

Ved brot på lover, føreskrifter og driftsplan, samt retningslinjer for jeger, kan driftsplanstyret utelukke jegeren for resten av jakttida, eller for lengre tidsrom. Dette skal takast opp internt i jaktfeltet, i samråd med driftsplanstyret.

Ved feilskyting i eit felt, skal heile dyret overførast, og ikkje frådelast eventuell jegerpart.

3.7 Næringsutvikling

Det er førebels ikkje interesse for å gå inn på ei meir kommersiell utnytting av valdet. Dette kan likevel verta aktuelt lengre fram i tid, og då i første rekkje med sal av jakt på delar av kvota. Ei kommersiell utnytting er likevel avhengig av å ha ei god oversikt og kontroll på hjortestammas storleik og kjønns- og alderssamansetning, noko ein førebels ikkje har.

Det er likevel åpent for jaktfelta å selge heile eller delar av jakta.

3.8 Utviding av valdet

Valdsamansetninga skal i utgangspunktet ikkje endrast i driftsplanperioden, verken ved tilføring av nye vald eller endrast ved at nokon av jaktfelta trekkjer seg ut av samarbeidet før driftsplana går ut. Om det likevel skulle vere sterke grunnar til ei utviding, krev dette eit samtykke frå alle noverande jaktfelt i valdet, samt driftsplanstyret.

Dette på grunn av arbeidet som er i gang med samanslåing av vald og driftsplanarbeid som skal vera ferdig innan 2006. Dei vald som eventuelt går inn i vald 17 i perioden, påleggast automatisk å gå inn på denne driftsplana, og dei justeringar som der igjennom vil verta utført.

3.9 Teljingar

Kvar vår føregår teljingar i regi av viltnemnda. Det teljast då frå veg, til tilnærma same dato og på dei same vegane for kvart år.

Dette gir ein pekepinn på utviklinga av hjortestamma frå år til år, på vårparten. Det må likevel seiast at her kan ligge inn enkelte usikre moment, så som vêrmessig påverknad på teljingane, og menneskeskapte ulikheitar så som gjødselspreiing frå gardsbruka til varierande tider frå år til år. Det er og grunn til å nemna årsvariasjonar i beitegrunnlag på våren som ein påverkande faktor på teljingane.

Samtidig vil ei vårteljing ikkje automatisk kunne overførast som ei sanning kva vedgår hjortens opphaldsstader når jakta tek til.

Ut frå før nemnde moment har kommunen frå jaktsesongen 2002 innført ”sett hjort”- skjema på alle jaktfelta.

Dette vil frå og med neste driftsplan kunne nyttast som eit godt grunnlag for avskytingsstrategiar på valdet.

3.10 Andre tiltak

Kontrollordningar skal gjennomførast etter avtale innteke i avskytingsavtale med viltnemnda.

Driftsplanstyret og grunneigarane skal sjølve stå for økonomiske fordelingsordningar som følgje av driftsplana.

Etter kvar jaktsesong skal fellingsresultat, bestandsutvikling og driftsplan evaluerast.

Utgifter til porto, kopiering, telefon o.a. vert lagt til ved innkrevjing av fellingsavgifta på kvart jaktfelt. Dette skal delast på fellingsløyva, ikkje felte dyr.

Årsmøtet kan vedta eigne interne kontrolltiltak i valdet.

Jaktfelt er i dag dei valda som var. Dersom det kjem på tale er det mulig å avtale interne

avtaler mellom jaktfelta. Avtalene skal vere skriftlig, og jaktfelt utanfor avtalen skal og informerast. Skriftlig avtale skal sendast til valdleiar før avtalen trer i kraft.

4. FINANSIERING OG DRIFT

4.1 Økonomi

Inntekter til valdet tillegges på fellingsavgifta i henhald til tildelte løyve.

Utgifter til valdet er porto, kopiering og telefon, etc.

Eventuelle ekstraordinære utgifter, og dyrere prosjekt, må søkes finansiert over det kommunale viltfondet, eller andre finansieringskjelder.

Start summen som alle jaktlaga har betalt inn, skal det ikkje brukast av.

4.2 Driftsrutiner

Driftsplanstyrets årsmøte :

Årsmøte skal avholdes innen 1. april, og skal vere åpent for alle grunneigarar. Innkalling til årsmøtet skal kunngjerast i brevs form, til kvart jaktfelt, seinast 3 veker før møtedato. Saker som ønskes handsama på årsmøtet, må vera driftsplanstyret i hende seinast 1 veker før møtedato.

Kvart jaktfelt skal før årsmøtet ha valgt sin representant til driftsplanstyret, samt vara. Alle jaktfelt skal vera representert med ein person i driftsplanstyret.

Det skal vera valg i dei einskilde jaktfelta annakvart år. For å sikra ei overlapping i driftplanstyret skal det velgast i 2 jaktfelt på oddetal, og 2 jaktfelt på partal.

I 2003, 2005 o.s.b. skal jaktfelta Våge m.fl. og Gjerdsbakk velge sine representantar, mens Ertesvåg / Dimmen indre og Dimmen vel sine representantar i 2004, 2006 o.s.b.

Dei som velges til driftsplanstyret, skal også vere jaktfeltsledere i sine respektive jaktfelt. Varamedlemmar har møterett, men stemmerett kun når dei er innkalla som vara.

Årsmøtet skal frå desse 4 valgte frå jaktfelta, velge leder, nestleder, kasserer og sekretær. Årsmøtet skal handsame styrets forslag til driftsplan og avskytingsavtale, kvar gong denne fornyast.

Heile styret skal underteikna protokollen.

Årsmøtet kan berre fatte vedtak i saker som er nevnt i innkallinga. Leiar skal innkalle til ekstraordinært årsmøte når styret eller minst 1/3 av jaktfelta krev det.

Av faste saker på årsmøtet skal desse vere med :

Driftsplanstyrets leder åpner møtet

Valg av ordstyrar og referent

Godkjenning av innkalling og sakliste

Valg (oppgaver / stillinger i styret)

Ellers skal saklista ha med saker som driftsplanstyret ønsker tatt opp.

Kvart jaktfelt har stemmerett, den skal vektast i henhald til areal. Ut frå dette har Våge m.fl. 22,5 % stemmevekt, Gjerdsbakk har 18,6 %, Ertesvåg / Dimmen indre har 29,7 % og Dimmen 29,2 %. Unnateke er valg innan styret, som foregår etter alminnelig fleirtal.

Ved eventuelle tvistar skal viltnemnda vere meklingsinstans.

Eit driftsplanmøte kan avhaldast utan at alle jaktfelt er representert, men alle bør vere til stades.

Møte i driftsplanstyret skal avhaldast før jakta kvart år.

Valdleiar skal før jaktstart motta oversikt frå alle jaktfelt kven som jaktar på dei respektive felta, endringar undervegs skal rapporterast til valdleiar.

Innrapportering av felte dyr skal skje innan 12 timar til valdleiar.

Avskytingsavtale 2003 – 2005

Vald nr 17 Dimnøya i Ulstein kommune, har med vedtak av ………….. 2003 i Viltnemnda fått godkjent driftsplan for perioda 2003 – 2005.

I samsvar med den avskytingsprofil som er godkjend i planen, er det inngått følgende avskytingsavtale mellom valdet og viltnemnda :

1.

Den årlige fellingskvote som vert tildelt valdet i samsvar med valdets teljande areal, gjeldande minsteareal og fravik fra dette, tildeles som berre valgfrie dyr i et antal av 20 dyr med heimel i forskrift om forvaltning av hjortevilt og bever av 22. mars 2002 nr 151, § 14.

2.

Ovanståande fellingstillatelse er gitt under foresetnad av fordeling på kjønn / kalv, og øvrige bestemmelser som er nedfelt i godkjend driftsplan med eit slingringsmonn på +/- 10 %.

3.

Fellingsavgifter i h.h.t. gjeldande tariff skal betalast i samsvar med gjeldande reglar.

4.

Jaktrettshavarane disponerer fritt innafor den tildelte kvote for 2003 – 2005 i samsvar med bestemmelser innteke i driftsplanen.

5.

Følgande ordning med kontroll av felte dyr skal gjelde for valdet : Dei til ei kvar tid gjeldande reglar fastsett av Viltnemnda i Ulstein kommune skal føljast.

…………………………………………

Stad / dato

………………………………………                           …………………………………………

            For valdet                                                                   For viltnemnda

EIGEDOMSLISTE

Våge m. fl.                                          1615 daa

Gjerdsbakk                                         1335 daa

Ertesvåg / Dimmen indre                      2130 daa

Dimmen                                              2090 daa

Taotalt                                                7170 daa

Eigedomar :

Gnr / bnr          Eigar

                                                           VÅGE m.fl.

27/2                 Karl Kleven

28/1                 Jostein Dimmen

28/2                 Knut Åsen

28/7                 Kjartan Garnes

28/8                 Elias Garshol

34/1                 Johannes Vågeskar

34/4                 Eivind Ulstein

34/5                 Øystein Kvalen

GJERDSBAKK

28/4                 Lars Inge Breivik

28/6                 Opplysningsvesenets Fond

28/13               Oddmunn Gjerdsbakk

ERTESVÅG / DIMMEN

28/14               Knut A. Ertesvåg

30/1                 Knut A. Ertesvåg

30/2                 Øyvind Ertesvåg

32/1                 Leif P. Dimmen

32/4                 Svein Dimmen

DIMMEN

32/2                 Kjell Slåttelid

32/3                 Kjetil Dimmen / Petter Olav Dimmen

32/5                 Per Helge Vik

32/6                 Emil Ertesvåg

32/14               Reidun Pedersen

33/1                 Aslaug Dimmen

33/2                 Johan Stokkevåg

33/3,5              Olav O. Dimmen

33/4                 Gunnar Mork

33/6                 Perry Kleven

33/7                 Nora Dimmen

33/13               Per Klungsøyr